Улаанбаатар дахь Бритиш сургуулийн U15 охидын, U19 охид хөвгүүдийн багууд сүүлийн хоёр сарын хугацаанд UBAC олон улсын сургалттай ЕБС-уудын дундах гар бөмбөгийн тэмцээнд амжилттай оролцож ширүүн өрсөлдөөнийг үзүүллээ. Манай сурагчид тус тэмцээнд амжилт үзүүлж оролцохын тулд хичээлийн бус цагаар долоо хоног бүр шаргуй хичээллэж байсан. Үүний дагуу тус тэмцээнд оролцсон бүх сурагчид өөрсдийн хичээл зүтгэл, спортын ур чадвараараа нийт сургуулийн нэр хүндийг өндөрт өргөлөө.
Тэр дундаа цэнхэр хэсгийн 6 дараалласан тоглолтонд хожиж нэгдүгээр байр эзэлсэн U19 хөвгүүдийн багийг онцгойлон дурдъя. Тэд хоёр долоо хоногийн дараа Улаан хэсгийн ялагчтай тоглож, UBAC тэмцээний аварга шалгаруулах тэмцээнд оролцох болно.
Энэхүү тэмцээнд амжилттай оролцсон нийт тамирчиддаа халуун баярыг хүргэе!
Commentaires